Løgreglan í Danmark lutaði í 2006 ikki minni enn 77.000 klipp í koyrikorti til fólk sum koyrdu ov skjótt á teimum donsku vegunum.
2006, var fyrsta heila árið hjá klippikortskipanini, og í alt vóru latin 76.912 klipp í koyrikortið til bilførarar, sum gjørdu brot á ferðslulógina.
· 61.364 koyrdu ov skjótt
· 5007 koyrdu yvir reytt ljós
· 3533 børn undir 15 ár sum ikki sótu fastspent í trygdarútgerð
· 1320 yvirhildu ikki sína víkiskyldu í krossvegi
· 997 yvirhildu ikki reglugerðina tá tey yvirhálaðu
· 435 høvdu ikki nóg mikið frástøðu til frammanfyri koyrandi
· 4157 fingu klipp fyri at plaserað seg skeivt á vegnum t.d. koyrdu í móti ferðsluni, koyrdu yvir hindursstrikuna , koyrdu í neyðsporinum ella koyrdu vinstra um ferðsluherða.
Tey seinastu 99 klipp vóru latin til bilførarar, sum á ein ella annan hátt framdu onnur brot á ferðslulógina.
Klippiskipanin hevur havt eina jaliga ávirkan við tað at tey samlaðu brotini er fallin við uml. 25% . (be)