Koyrikort til bólk A (lítil motorsúkkla) gevur rætt at koyra
- Tvíhjólaða motorsúkklu uttan síðuvogn, har lutfallið millum motororku og eginvekt við ískoyti av vatni, olju og brennievni í mesta lagi er 0,16 kW/kg. Tað er samstundis ein treyt, at motorsúkklan hevur eina motororku, sum í mesta lagi er 25 kW.
- Tvíhjólaða motorsúkklu við síðuvogni, har lutfallið millum motororku og eginvekt við ískoyti av vatni, olju og brennievni í mesta lagi er 0,16 kW/kg.
- Tríhjólaða motorsúkklu
- Motorsúkklu, hvørs slagvolumen í mesta lagi er 50 cm3, og sum hevur eina konstruktivt ásetta ferð uppá í mesta lagi 45 km/t.
- Koyrikort til lítla motorsúkklu kann vera latið persóni, ið hevur fylt 18 ár
Koyrikort til bólk A (stór motorsúkkla) gevur rætt at koyra
- Tey omanfyri nevndu akfør
- Tvíhjólaða motorsúkklu uttan síðuvogn, har lutfallið millum motororku og eginvekt við ískoyti av vatni, olju og brennievni er meira enn 0,16 kW/kg, ella sum hevur eina motororku, ið er meira enn 25kW.
- Tvíhjólaða motorsúkklu við síðuvogni, har lutfallið millum motororku og eginvekt við ískoyti av vatni, olju og brennievni er meira enn 0,16 kW/kg
- Koyrikort til stóra motorsúkklu kann vera latið persóni, ið hevur fylt 21 ár, ella í minsta lagi hevur 2 ára royndir sum førari av lítlari motorsúkklu.
Umsøkjarin skal bæði til eina ástøðis og verkliga roynd
Umsøkjarin skal lata fylgjandi skjøl inn til Akstovuna:
- Umsókn um koyrikort.
- Læknaváttan. ( ikki eldri enn 3 mánaðir )
- Dóps- ella navnabræv
- Væltroffin passmynd. (hattleys)
- Gjalda kr: 550.
Umsøkjarin verður stillaður inn av einum góðkendum koyrilærara, har báðir vátta á serstakt øki á umsókini.
Teir kravdu skúlatímarnir eru skipaðir soleiðis:
- 26 skúlatímar í ástøði (teori)
- 4 skúlatímar í venjing á hóskandi venjingarøki
- 14 skúlatímar í venjing á vegi
[button title=”Koyrifrálæra á motorsúkklu” link=”https://koyrilararin.fo/koyrikortid/fralaera/koyrifralaera/” description=”” width=”240px” bgcolor=”#9DE35F” color=”#000″ picture=”” height=”” version=”light” position=”left”]